KISAILE #11 : BIG WHITE, Le Trappeur au service de la Nasyon Kréol

Cet article résulte d’une synthèse de conversations que nous avons eu avec Big White. 
Cet article a été rédigé de manière exceptionnelle en créole car la langue fait partie de l’identité de l’artiste et nous ne voulions pas altérer l’authenticité de ses valeurs.
Si vous souhaitez lire une version française, contactez-nous directement. 

 

Kisa Ou Le ?

Amwin sé BIG White orijinèr du Tampon. I fo savwar avan tout ke se ke mi fé sé èk lo kèr mi rap pou mon nasyon, pou domoun la bezwin antann la vérité é ke la glwar i pass o 40ème plan pou mwin…

Aparksa bin i fé in bon 3-4 ans mi ékri dan mon koin èk 2 dalon a mwin (S èk W) é na ke trè résaman ke ma komans a avwar in pe plus de vu é “dintéré” pou mon bann son mi pans ke lé du a la situasyon osi désu nout lil é dan la sosyété.

Aprè i fo savwar mwin lé plus porté su la trap mé in trap si mi pé dir “konsyantizé” rarman de légotrip mé i pé arivé. É puis na quelque son plu trankil konm sat avan “Mové kèr” su mon chaine YT avèk l’artiste MOon’ su lo son.

 

 

Sé Kwé out Band zinspiration locale ?

Mé inspi nivo lokal mi ékout in pé de tou mé mon bann zinspi musikal i tourn otour des Alaza, Nicko, Moonjor, Kaf Malbar… Par kont mi puise bonpé dann Maloya osi pou lo koté “konsyan” é “révolté” sa sé mon lésans sa na pwin BIG White san Maloya.

“Maloya osi pou lo koté “konsyan” é “révolté” sa sé mon lésans sa na pwin BIG White san Maloya.”

 

É Internationale ?

O nivo nasyonal mi ékout plus du Vald, Orelsan, Kalash surtou.
Nivo intèrnasyonal é amérikin mi ékout pa bokou de rap US ptèt just Eminem é Drake si mi dwa shwazir.

 

Esplik a ou nou l’inspiration dérière “Margoz ?

Pou “Margoz” linspi la ni tou sèl… Mon karaktèr révolté é mon militantism i resort dann mon bann son. Sé kan mi vwa kosa bann kolon, kosa bann Monopol, kosa bann multinasyonal i fé èk nou i anraz a mwin é mi fé pèt sa dan mon tèks. Mon tèks mi vé krwar ke lé, san prétansyon, konm in lavèrtisman, in kontinuité dann konba bann zarboutan la komans pou nou…
Linspi lé pa dann produi ilisit, lé pa dann lalkol, an tou ka pou mwin, lé dann la soufrans mon pèp, mon ti péi la pou subir shak jour i lèv, lé dann la doulèr bann ékzilé, du Bumidom ou du CNARM ou autre, parti (déporté) dann péi la fré alor ke sé zot drwa davwar in plas la Rényon.

Lé dann malizé bann famille réyoné kan sat lé an plas politikman i fé pa rien pou lo pèp i lès a nou krèvé, lé dann soufrans bann zèkspropryé sat i vwa zot térin familial arashé par bann kolon pou fé loro, lé dann soufrans mon bann zansèt ke la soufèr dann tan lontan é don la désandans i souf ankor jordu…

 

Sur une instrumentale aux sonorités Trap, composée par CROM RECORDS et un clip lyrics produit par Mange Mon Chien, Big White débite ses punchlines conscientes pour défendre des sujets qui lui tiennent à coeur.

 

 

Nou pé découv plis de out mizik ? 

Margoz lé dann la kontinuité de mon bann son “Fonkèrap” prézan su mon shèn perso su Youtube. Sé in kri de révolt é démansipasyon konsèrnan lo kolonyalism èk lasimilasyon é lapropriasyon kulturèl, langajié ou idéolojik. SA LÉ POU MON BANN.

 

Ou na band big up pou passé ?

Mi voudré égalman di ke mi di mersi bonpé lo mark èk lékip Mange Mon Chien parske sé gras a zot osi si tou sa i ariv jordu, sé in gran zafèr pou mwin a mon éshèl. É gro big up lo group Kréolokoz osi ke la rouv ankor in pé plus mon spiritualité èk mon Réyonèzté.

 

A votre tour de nous dire en commentaire, si vous avez apprécié un article en créole ?

La musique de Big White vous parle ? On attend vos avis en commentaire.

Laisser un commentaire